Deputeti i LSI-së, Endrit Braimllari reagoi në lidhje me prezantimin e projektit të godinës së re të Teatrit Kombëtar, që kryeministri Edi Rama i bëri sot në prani edhe ta aktorëve dhe artistëve.
Ai shkruan artistët nuk kanë nevojë për show-n që u servir Rama, por për kushte më të mira, rrogë më të lartë dhe përkrahjen e shtetit.
“Kryeministri i drogës dhe i varfërisë del sot para artistëve dhe bën moral. Justifikohet për çdo gjë, por harron që ka qenë dhe është Kryeministër dhe mban përgjegjësi për këtë keqqeverisje. Mban përgjegjësi për varfërinë që po e mbyt çdo ditë e më shumë Shqipërinë.
Artistët nuk kanë nevojë për show por duan kushte më të mira, rrogë më të lartë dhe përkrahjen e shtetit. Artistët duhet të trajtohen me dinjitet nga shteti sepse janë krenaria e kombit, por këtë Kryeministri i varfërisë dhe drogës nuk e ofron dot.
I vetmi interes i këtij Kryeministri janë oligarkët e kullave dhe trafikantët e drogës”, shkruan deputeti i LSI-së.
