Në një postim në faqen e saj në rrjetet sociale, deputetja e PD, Grida Duma ka shkruar se “Përjashtimi nga skema e ndihmës ekonomike e mijëra familjeve u paralajmërua nga opozita kohë më parë, qeveria u fsheh duke mos dhënë asnjë sqarim dhe sot jemi para faktit të kryer ku vetëm këtë muaj janë nxjerrë dhe lënë pa asnjë ndihmë ekonomike mbi 20 mijë familje në gjithë Shqipërinë.”
Por, CNA.al mësoi se dje në mëngjes sekretarja e marrëdhënieve me publikun në Partinë Demokratike, është “zhdukur” drejt Seulit . Vetëm bileta e avionit i kushton sa ndihma ekonomike që merr një familje në të pakten gati 10 vjet, plus shpenzimet dhe koha e ndenjur atje ndoshta edhe 20. Tani Grida njihet për pjesën e saj sociale, si një familjare e përkushtuar dhe një qytetare e devotshme, të gjithë këtë e shpreh nga Seuli për varfërinë në Shqipëri. Çuditërisht edhe zyra e shtypit të Partisë Demokratike u përfshi në këtë mashtrim, pasi postimi i saj në rrjete sociale pritet si njoftim zyrtar nga PD.
