Romë, Papa çon në cirk të varfrit e emigrantët

Papa Françesku ka bërë sot gjestin më të fundit në mbështetje të njerëzve që jetojnë në periferi të shoqërisë, duke shpërblyer të varfrit dhe emigrantët e Romës me një shfaqje në cirk.

Vatikani tha se zyra e bamirësisë kishte organizuar që rreth 2,100 njerëz të këtyre kategorive të merrnin pjesë në shfaqjen e cirkut Medrano në periferi të Romës.

Vatikani kishte siguruar biletat për njerëz kryesisht të varfër, të pastrehë, pensionistë dhe fëmijë të familjeve të varfra.

Salvatore Mendola, menaxher dhe zëdhënës i cirkut tha se mirëpriste të ftuarit e shfaqjes së të enjtes dhe shtoi se kompania trajtonte me respekt kafshët e cirkut.

 “Ne i trajtojmë mirë kafshët tona dhe kemi leje për të mbajtur shfaqje në çdo qytet, ku kafshët inspektohen nga veterinerët”, tha ai, duke i shmangur pretendimeve për një pezullim të mëparshëm të aktivitetit prej abuzimit me kafshët.