Prokuroria e Krimeve të Rënda në bashkëpunim me Policinë e Shtetit kanë zhvilluar një konferencë të përbashkët me homologët e tyre në Itali, ku kanë dhënë informacione për mega-operacionin që goditi katër grupe kriminale që trafikonin kanabis dhe armë.
Zyrtarët italianë kanë falenderuar homologët shqiptarë për bashkëpunimin, ndërkohë që operacioni u organizua nga skuadra e para e përbashkët midis dy shteteve, e krijuar në vitin 2016-të. Përveç kanabisit dhe armëve, këto grupe kryenin edhe trafikun e kokainës dhe heroinës, të destinuara për tregun evropian.
Prokuroria e Leçes ka lëshuar 27 urdhër-arreste dhe gjashtë prej tyre janë ekzekutuar në Shqipëri.
Të arrestuarit në vendin tonë janë shtetasit:
Luka Beqiraj
Bilbil Kabello
Arbnor Hoxhaj
Denis Pashaj
Kujtim Elmazi
Kristian Llanaj
Ndërkohë, shqiptarët e arrestuar në Itali janë:
Dorian Alikaj
Altin Avduramani
Ajet Cepaj
Klaudio Fani
Artur Malo
Raul Xheninaj
Dy shqiptarë përfshirë në këtë grup ndodhen aktualisht të burgosur në Shqipëri, një tjetër shqiptar ndodhet i burgosur në Mal të Zi, ndërsa gjashtë shqiptarë tjerë ndodhen në kërkim.
Operacioni dy vjeçar është shtrirë në Shqipëri në të paktën tre qytete: Durrës, Vlorë dhe Lezhë.
