Pasi ka qëndruar në heshtje për çështjen e Teatrit Kombëtar dhe miratimin me forcën e kartonit të ligjit për shembjen e tij, dhe kthimin nga Presidenti Ilir Meta, më në fund Edi Rama ka vendosur të flasë.
I ftuar mbrëmjen e sotme në emisionin ‘Përballë’ të gazetarit Lutfi Dervishi, Rama është shfaqur në mbrojtje të projektit privat, ku opozita thotë se vetë kryeministri është pjesë e kësaj afere.
‘Çfarë gare, kur aty është një tokë private, që kërkon ta shfryzojë.
Aty është një sipërfaqe e pashfrytëzueshme, parking me makina të vjetra.
Privati do të ndërtojë, ndërsa ne fitojmë Teatrin e ri’, është shprehur Rama përballë Dervishit.
Duke folur për ligjin e jashtëzakonshëm për shembjen e Teatrit Kombëtar, Rama thotë se kjo gjë është një e zakonshme.
‘Ligjet e jashtëzakonshme për projekte të mëdha, janë bërë rutinë në vendet e tjera’, është shprehur Rama.
Duke folur për PPP-të, kryeministri nuk tërhiqet nga projekti i tij, që është akuzuar si i dyshimtë dhe me probleme të mëdha.
‘Ku qëndron problemi i PPP. E përdor Gjermania e jo më ne. Nuk janë gogol’, tha Rama mbrëmjen e sotme.
