Shkrimtari i njohur shqiptar, fitues i çmimeve evropiane, Rudi Erebara i është bashkuar artistëve në betejën e tyre për të mbrojtur Teatrin Kombëtar.
Erebara ka bërë një thirrje të hapur për ish-kryeministrin Sali Berisha për të mbrojtur këtë vepër nga mafia.
Postimi i plotë i Rudi Erebarës në Facebook:
Zotit Sali Berisha,
I nderuar, ish-president, ish-kryeministër i Shqipërisë. Jeni në dijeni të përpjekjes së mafies në pushtet për të shembur Teatrin Kombëtar, ku herën e fundit jemi takuar bashkë në shfaqjen ‘Shtrigat e Salemit’ të Arthur Miller, vënë në skenë për mrekulli nga trupa e këtij teatri, nën regjinë e Spiro Dunit.
Unë isha aty, thjesht se përktheva veprën e autorit.
Duke qenë se kulisat gjithmonë i kam urryer, kam përshtypjen po aq sa edhe ju, marr guximin, siç do të thoshte ‘Ushtari i Mirë Shvejk’, përkthyer nga babai im, Gëzim Erebara dhe miku i tij Tonin Bushati, t’ju ftoj, të Mbroni Teatrin Kombëtar nga mafia, si një qytetar edhe artdashës i shquar.
Rudi Erebara, piktor, shkrimtar, përkthyes
