Liverpool edhe pse pësoi humbje në Olimpico të Romës ka arritur të sigurojë finalen e Ligës së Kampionëve për këtë sezon.
Edhe pse romakët e filluan më mirë ndeshjen duke regjistruar disa gjysmëraste me anë të sulmuesit kryesor Edin Dzeko të parët që shënuan ishin lojtarët e Liverpoolit të cilët shënuan me anë të një kundërsulmi pas një gabimi të Nainggolan në mesfushë dhe ku Sadio Mane nuk gaboi para portës romake.
Më pas Roma arriti të kthehej në lojë duke barazuar rezultatin në 1 me 1 me anë të një autgole qesharake të shënuar nga mesfushori Milner por skuadra e Klopp mirë e organizuar arriti prap ta kthejë rezultatin në të mirë të vete me ku Ëinajldun arriti të shënoi pas një asisti të padëshiruar nga Edin Dzeko.
Më pas Roma u mundua të shënonte sërish duke marrë inciativën por asesi nuk arriti ta gjente golin e dytë gjatë pjesës së parë e cila përfundoi me rezultat 1:2 në të mirë të mysafirëve.
Edhe në pjesën e dytë lojën më mirë e filloi skuadra e Romës e cila rrezikoi disa herë me anë të Dzekos dhe ishte pikërisht sulmuesi boshnjak ai i cili barazoi rezultatin në 2 me 2 në minutën e 53-të.
Pas këtij goli Roma sulmoi me të gjitha forcat dhe krijoi disa raste të mira shënimi por nuk arrinte të gjente golin deri në minutën e 86 kur Nainggolan shënoi një golë me një goditje mjaftë precize.
Kur të gjithë po prisnin fishkëllimin e fundit të gjyqtarit Roma arriti të fitojë një penallti ku, Nainggolan nuk ishte i gabueshëm dhe shënoi për rezultatin përfundimtar 4 me 2.
Roma edhe pse fitoi me rezultat 4 me 2, nuk u kualifikua në finale pasi lojën e parë kishte humbur me rezultat 5 me 2 nga djelmoshat e Kloppi-t.
Liverpool zhvilloi një ndeshje të mençur gjatë gjithë ndeshjes duke pritur kundërsulme që ishte një taktike mjaftë mirë e përdorur nga Klopp duke shfrytëzuar shpejtësinë e Sadio Mane-s i cili i bënte shumë probleme mbrojtjes së Romës.
Liverpool bëhet finalsti i dytë pasi dje Real Madrid sigurojë finalen e madhe në Kiev.
Kështu Real Madrid dhe Liverpool do të luajnë në finale për titullin e kampionit në Ligën e Kampionëve.
