Kuvendi Kombëtar i PD-së ka përmbyllur punimet me miratimin e statutit të ri, pas më shumë se 4 orë mbledhje.
Midis ndryshimeve të reja është edhe një nen që cakton kryetar për Këshillin Kombëtar që deri më tani, ishte në varësinë e kryetarit të partisë.
Statuti u miratua pa shumë kundërshti, ndërsa kundërshtarët e kreut të PD-së, Lulzim Basha, Jozefina Topalli dhe Astrit Patozi nuk morën pjesë.
Pas miratimit të statutit, Partia Demokratike do të nisë një proces ristrukturimi të thellë në bazë, nga seksionet e deri tek kryetarët.
Pas zgjedhjeve në të gjitha degët e saj në vjeshtë, Partia Demokratike do të mbledhë Kuvendin Zgjedhor për të votuar organet drejtuese të saj.
