Pasi opozita u largua nga salla e Kuvendit, duket se mazhoranca është ndjerë e lirë që të shfaqë dashurinë e plotë për Saimir Tahirin.
Ish-ministri i Edi Ramës, i akuzuar për lidhjet me Habilajt dhe trafik droge, po përpiqet që të shpëtojë mandatin e deputetit, duke u paraqitur në Kuvend, gjoja si deputet i pavarur.
Ditën e sotme pasi opozita e braktisi Kuvendin, menjëherë disa ministre dhe ish-ministre të Edi Ramës kanë vrapuar dhe e kanë takuar plot mall e dashuri Saimir Tahirin.
Më e përmalluara nga të gjitha duket se është ministrja e Kulturës, Mirela Kumbaro dhe ajo e Arsimit, Lindita Nikolla.
Por nuk ka munguar edhe një përqafim mes dy ish-ministrave të Edi Ramës, Saimir Tahiri dhe Mimi Kodhelit, të dy të akuzuar nga opozita për lidhje me trafikun e drogës.
