Zv.Kryetari i LSI Luan Rama, deputet, ka reaguar përmes një komenti në rrjetet sociale lidhur me protestën e zhvilluar sot në Surrel nga të rinjtë e FRPD dhe LRI-së, që në shenjë simbolike kanë vendosur traun pranë shtëpisë së kryeministrit Edi Rama. Luan Rama shkruan se rinia guxoi të protestojë e shteti është shfaqur përballë tyre me fytyrën e xhelatit! Sipas tij, kjo ndodh sepse protesta, ky institucion i shenjtë në demokraci, ka trembur Edi Ramën!
Reagimi i Luan Ramës
Koha e rinisë dhe Edi Rama përballë!
Për Floidën dhe moshatarët e saj…
Kanë guxuar të protestojnë e shteti është shfaqur përballë tyre me fytyrën e xhelatit!
Sepse protesta, ky institucion i shenjtë në demokraci, ka trembur Edi Ramën!
Dhe servilizmi ka ndërsyer policinë e keqpërdorur, për të trembur të rinjtë e protestës, me armë e me pranga!
Frika e pushtetit ka gjithnjë fytyrën e prangave! Dhe mjer ai që për pushtetin e vet, kanos me pranga rininë! Sepse ka parathënë fundin e vet të turpshëm.
“E çuem grushtin për me luftue,
Ndër lufta t’reja,
Dhe me fitue…”
Jetojmë në kohë migjeniane!…
