Nje aksident i tmerrshem u shenua mbremjen e djeshme ne Fier ku tre pjesëtarë të një familjeje kanë humbur jetën si pasojë e një aksidenti, teksa ishin duke u kthyer nga një dasmë.
Sic jeni njoftuar edhe gjate dites, ngjarja e rëndë ka ndodhur gjatë natës në afërsi të fshatit Varibop, në aksin rrugor Levan- Tepelenë. Mjeti tip “Suzuki” me te cilin udhetonin tri viktimat, ka dale nga rruga dhe ka rënë në kanal.
Pas aksidentit, policia tha se makina tip Suzuki ka përfunduar në krahun tjetër të rrugës, duke rënë më pas në një kanal me ujë. Policia ka dyshime aksidenti ka ndodhur gjatë natës dhe se vdekja e 3 personave është shkaktuar nga mbytja në ujë me shume sesa nga demtimet qe mund te kene marre nga perplasja e makines.
Policia njoftoi se 32-vjeçari Fisnik Murataj, e fejuara e tij franceze Noza Ahamout (34 vjeç) si dhe kushëriri i Fisnikut, 30-vjeçari Agustin Murataj, po ktheheshin nga dasma e vëllait të drejtuesit të mjetit.
Policia dyshon se mjeti ka dalë jashtë rruges për shkak të pakujdesisë së drejtuesit te mjetit ne kushtet e pagjumesise dhe te erresires ne rruge.
