Ulen sërish temperaturat deri në minus gradë celsius, ndërsa në zonat malore pritet të rikthehen sërish reshjet e borës.
Sipas meteoalb, java nis me reshje shiu, ndërsa duke filluar nga dita e nesërme (e martë) vendi karakterizohet nga temperatura të ulëta.
“E hëna mbetet me temperatura të larta por me reshje shiu deri në mbrëmje kur dëbora shfaqet në pjesën më të madhe të zonave malore. E marta sjell rënie të ndjeshme të temperaturave dhe vijojnë reshjet e dëborës në Lindje – Juglindje. E mërkura dhe deri në fundjavë, sjellin mot të kthjellët por shumë të ftohtë; temperaturat e natës dhe mëngjesit ulen deri 10°C nën ZERO ndërsa gjatë mesditës maksimumi do të ngjitet deri 12°C”, sqaron meteoalb.
