I pyetur se a është kandidatura e radhës emri i deputetit Angjeli, pas rrëzimit nga mazhoranca të dy emrave të propozuar nga institucioni i presidentit, Meta i qeshur u përgjigj: “Jam i bindur se të gjitha propozimet e presidentit synojnë forcimin e institucioneve të pavarura, forcimin e sundimit të ligjit në vend dhe jo të sundimit të shumicave”.
Kujtojmë se kandidaturat e Metës, Vitore Tusha dhe Bahri Shaqiri nuk u pranuan nga ana e mazhorancës, duke thënë se u mungonte eksperienca në fushën financiare.
