Këtë mëngjes, kryeministri Edi Rama shpërndan një video, ku tregon se si një studente ekselente, e cila falë aplikimit online, që parashikon “Pakti për Universitetin” nisi punë në administratën publike, pa konkurs, por vetëm përmes notave maksimale.
“Mirëmëngjes me Drijonën, studenten ekselente që falë Paktit për Universitetin, sot i është bashkuar administratës publike, si edhe me vendosmërinë për të bërë edhe më shumë, teksa qentë lehin më fort, ju uroj një ditë të mbarë”, shkruan Rama.
Në video, vajza e quajtur Drijona Malevi sqaron se si aplikoi dhe u bë fituese e një pune në shtet, por me një kërkim të thjeshtë në rrjetet sociale, vajza rezulton jo vetëm që ka mbaruar studimet para disa vitesh, por edhe një ish-punonjëse në kryeministri, dhe në ministrinë e Ekonomisë, siç duket edhe në foton si mëposhtë.
Aktualisht ajo është pjesë e administratës publike si nëpunëse civile.
