Zbardhet kush do të zëvendësojë Stefan Çipën, pas shkarkimit të tij në krye të Drejtorisë së Burgjeve.
Bëhet fjalë për Agim Ismailin, ish-drejtori i Autoritetit Kombëtar të Ushqimit, i prezantuar nga vetë kryeministri Edi Rama në atë kohë, në prani të ish-ministrit të Bujqësisë Niko Peleshi.
Drejtori i ri ka përvojë policore dhe ka punuar për disa vite edhe në Drejtorinë e Policisë Elektrike.
Ndërkohë, vetë Çipa pas shkarkimit një ditë më parë, mësohet se do të emërohet në krye të Entit Kombëtar të Banesave.
