A i futi Basha në Kuvend vezët me të cilat Endri Hasa qëlloi Ramën?
Video e bashkëngjitur lajmit tregon momentet kur deputeti Endri Hasa merr nga kreu i PD-së Lulzim Basha vezët për të gjuajtur kryeministrin Rama.
Ka qenë kreu i grupit parlamentar të PS-së Taulant Balla ai që ka publikuar videon ku shihet Hasa që komunikon nga afër me Bashën, dhe më pas duket se fut dorën në xhepin e kryedemokratit për të marrë vezët.
Video është publikuar nga Taulant Balla i cili shkruan:
Artist! Po ti qenke edhe regjizor, edhe skenarist. U deshën 6 muaj që “pula” Lulzim të prodhonte 2 vezë. E turpshme si një kryetar opozite degradon deri në pikën që të fshehë nën puplat e shtrenjta të xhupit të tij.
Shikoni videon sesi Artisti Lulzim bën qesharak rikthimin e opozitës në Kuvend. Është Lulzim Basha që “prodhon” vezë dhe ia jep deputetit pa emër.
Pas gjuajtjes që Hasa i bëri Ramës seanca e Kuvendit u ndërpre deri në orë 18:00 të pasdites, ndërsa opozita ka vendosur që të qëndrojë në sallë.
Ndërkohë raportohet se Partia Socialiste ka bërë kërkesë në Byrone e Kuvendit për përjashtimin nga seanca dhe për kreun e Partisë Demokratike, Lulzim Basha.
