Një studente përpara Kryeministrisë tha për në një lidhje live për “360 Gradë” në Ora News, se studentët protestues janë kërcënuar, ndërsa pyeti kryeministrin Rama se kush i ka falimentuar universitetet.
“Ne kemi marrë kërcënime se do të na fusin në burg. Të gjithë kanë marrë kërcënime pa përjashtim, maturant, gjimnazistë, pedagogë. Kam shkuar me idenë që të pushoja një orë dhe më merr një shoku im dhe kanë dalë fjalë se ne jemi paguar, kanë marrë prindërit dhe i kanë kërcënuar.
Dua t’i them diçka tjetër kryeministrit. E dëgjova sot që universitetet se kanë falimentuar. Kush po i falimenton universitetet? Faji i kujt është zt.kryeministër? Është faji i studentëve apo i juaji që lavdëroheni se keni bërë reforma? Pse duhet të dialogojmë kur ai e ka kuptuar që arsimi ka falimentuar?”,- ka thënë studentja.
