E ashpër ka qenë dalja në një konferencë për shtyp e Monika Kryemadhit, teksa hodhi akuza për lidhjet e Edi Ramës me oligarkët dhe krimin e organizuar.
Kreu i LSI tha sot se kryeministri tregoi se i urren të rinjtë, teksa u shpreh se ai është armik i popullit.
“Studentet tona që kanë mandat deputeti përfaqësuan 8 kërkesat në Kuvend duke i paraqitur ato si projektligj. Por mazhoranca arrogante nuk pranon që t’u heqë oligarkëve 0.5%, por Rama del dhe trumpeton sikur po i qan zemra për studnetët.
Nuk do të falim ty kryeministër injorant që gjithë jetën tënde ke kopjuar fjalimet e të tjerëve dhe vetëm zhgarravina ke bërë.
Për ty vetëm mallkim do të ketë nga nënat e vajzave që jetojnë në konviktet mizerje dhe që e mbajnë shpirtin gjallë me një sanduiç. Ti sot përfaqëson krimin e organizuar dhe për këtë nuk do të fali historia” – tha Kryemadhi ndër të tjera.
Kryemadhi u shpreh se Rama do të ikë si një kufomë politike edhe pse është fshehur pas emrit të saj si një hije që prej kohës kur hyri në politikë.
