Aktori amerikan Alec Baldwin u akuzua së fundmi për sulm ndaj një qytetari në Nju Jork, pasi pretendohet se e ka goditur për një vend parkimi.
Ai u paraqit në stacionin policor dhe u urdhërua që të shkojë në Gjykatë më 26 Nëntor. Ky nuk është rasti i parë që 60-vjeçari ka probleme me ligjin. Në vitin 2014 Baldwin u arrestua për sjellje të çrregullt.
Policia tha për mediat amerikane se aktori pretendon që një familjare e tij kishte zënë vend parkimi për makinën e saj, kur një person tjetër i zuri papritur vendin.
Autoritetet thanë se të dy burrat debatuan ashpër, para se aktori të qëllonte me grusht 49-vjeçarin e përfshirë në konflikt. Ky i fundit u dërgua në spital me dhimbje të forta në nofull. Pasi u akuzua për sulm fizik, Baldwin mohoi që ta kishte goditur. Sherri mes tyre ndodhi ditën e premte në Manhatan.
Menjëherë mbas ngjarjes dalin dhe pamjet ku tregojnë dhunën që ka ushtruar aktori ndaj qytetarit.
