Pas një mungese të gjatë në ekran dhe lajme të ndryshme se tek cili televizion do të niste, mësohet se gazetari i njohur dhe showmen Adi Krasta do të jetë në News24.
Burime për Gazeta Express bëjnë të ditur se Krasta do të rikthehet me formatin e tij të njohur Krasta Show, dhe gjithshtu flitet se mund të ketë dy emisione në këtë ekran.
Gazeta Express ka siguruar dhe fotot e gazetarit në ambientet e News24 ku do e shohim së shpejti.
Kjo periudhë ka patur shumë lajme rreth lëvizjeve të figurave të njohura të ekranit.
Pak ditë më parë qarkulloi lajmi se edhe gazetarja e njohur Sonila Meco do të rikthehej, e pikërisht në ekranin e Ora News.
Mirëpo Gazeta Express mëson gjithashtu se një kalim i tillë nuk do të bëhet, pasi gazetarja ka shpalosur disa kërkesa të cilat nuk i janë plotësuar nga drejtuesit e këtij televizioni.
