Grupi Alar Band dhe këngëtarja Çiljeta Xhilaga kanë publikuar bashkëpunimin e tyre më të ri. “Bonbone” titullohet kënga e tyre e re, e cila është me ritme verore dhe është finalizuar edhe me klip.
Muzika është realizuar nga Elgit Doda, ndërsa për tekstin është kujdesur artistja Klea Huta. Orkestrimi i është besuar producentit Maringlen Bojas, ndërsa klipi është realizuar në disa vende të veçanta në Shqipëri.
Ana vizuale e projektit i është besuar produksionit Pro..Video.
Alar Band njihen për bashkëpunimet e tyre të veçanta me shumë artistë, teksa njëlloj pritet të rezultojë edhe bashkëpunimi me Çiljetën.
Kjo e fundit ka disa vite radhazi që sjell bashkëpunime me artistë të rinj, duke e quajtur si një iniciativë dëshirën për t’i ndihmuar artistët e rinj që të depërtojnë në treg.
