Menjëherë pas deklarimit të kryeparlamentarit të Kosovës, Kadri Veseli, presidenti Thaçi ka reaguar sërish, duke këmbëngulur në propozimin e tij për korrigjim kufijsh, me Serbinë.
Hashim Thaçi e quan propozimin e tij si paqësor dhe se nuk ka të bëjë me ndarje, por me rregullim të kufijve.
‘Propozimi im për një zgjidhje paqësore me Serbinë është i qartë: jo ndarje në vija etnike, por korrigjim i kufirit dhe njohjen e dyanshme’, ka shkruar Presidenti në Twitter.
Veseli sot ka publikuar një shkrim, ku ka folur për idenë e lëvizjes së kufirit.
Sipas kryeparlamentarit, Kosova do të anëtarësohet në OKB, me kufijtë që e ka shpallur Pavarësinë në vitin 2008.
Ai ka thënë se çdo ide për ndarje është plan serb për të krijuar tensione të reja dhe për që dërguar mesazh në bashkësinë ndërkombëtare, se Kosova është vend jostabil.
