Noizy është një prej reperave më të njohur dhe më të ndjekur në Shqipëri, këngët e të cilit kthehen përherë në hite dhe mbajnë rekorde shikimesh në Youtube.
Gjithashtu, Noizy është mjaft aktiv në profilin e tij në Instagram, ku poston foto e video të ndryshme nga jeta personale, si edhe u kthen shpeshherë përgjigje fansave të tij.
Në një foto që Noizy ka publikuar në profilin e tij, reperi duket i menduar dhe mjaft serioz. “Dikush ma bëri dje një pyetje, a je i lumtur?”, ka shkruar Noizy në mbishkrimin e kësaj fotoje.
Dhe në komente, reperin e ka pyetur pikërisht aktori dhe miku i tij Blerim Destani, i cili ka kërkuar të dijë se cila ka qenë përgjigja e reperit për këtë pyetje. “I thash varet…”, ia ka kthyer Noizy Blerimit, duke treguar kështu se pavarësisht suksesit e famës, edhe reperi s’është përherë i lumtur.
