PD-ja nuk hyri sot në Kuvend, në seancën e fundit, ku mazhoranca kishte futur sërish për votim me 3/5 e votave, ligjin për Magjistraturën edhe pse nuk i kishte votat për ta kaluar.
LSI-ja iu bashkua bojkotit nga ana e PD-së, pasi tha fjalën e saj në Kuvend, ku e cilësoi skandaloze situatën e krijuar nga mazhoranca në sistemin e drejtësisë, vakumin e madh në gjykata dhe ku bëri thirrje që Kuvendi të mos shpërndahej derisa të zgjidheshin të gjitha problemet e sistemit të Drejtësisë.
Nga ana tjetër, kreu i komisiont të Ligjeve, deputeti i LSI Ulsi Manja tha se nuk kishte kurrfarë kolapsi në sistemin e drejtësisë dhe se gjithçka pritej me nisjen e Vetingut.
Pritet që kryetari i opozitës Lulzim Basha të dalë me një deklaratë shtypi pas mbledhjes së Grupit parlamentar demokrat.
