December 25, 2024
Jul 14, 2018 -

Zbulohet marrëveshja e Ramës, që i jep Greqisë 1200 km det

Ish-kryeministri Sali Berisha ka bërë publike sot fakte të reja në lidhje me marrëveshjen e fshehtë që Edi Rama po bën me Greqinë.
Duke shkruar në faqen e tij në Facebook, ish-kryeministri Berisha thotë se Rama në marrëveshjen që do të nënshkruajë me kryeministrin grek, Aleksis Tsipras po i jep Greqisë, 1200 kilometra sipërfaqe deti.
Reagimi i plotë i ish-kryeministrit Sali Berisha:
Kryeministri Cipras zhvesh cullak Zografin e dytë!
Të dashur miq, Kryeministri i Greqisë Cipras pohon publikisht marrëveshjen e tij me Zografin e dytë për copëtimit të ri të trojeve shqiptare në Londër!
Në këtë marrëveshje Edvin Zogarfi i ka falur Greqisë një sipërfaqe prej 1200 km dhe fushat e gazit dhe naftës me triliona fuçi naftë dhe metër kub gazi.
Për të kuptuar se çfarë përmban marrëveshja e Londrës mjafton të lexoni deklaratën e Kryeministrit Cipras pas takimit me Zografin e dytë në Londër, në të cilën ai haptas flet për arritjen e “një zgjidhje që ka të bëjë me përcaktimin e Zonës Ekonomike Ekskluzive, një zgjidhje që i jep avantazhe të rëndësishme anës greke, por nuk dua të hyj në detaje”.
Mendoj se për çdo shqiptar që e ndjen veten të tillë këto fjalë nuk kanë nevojë për asnjë koment.
Po rikujtoj këtu se ministri i mbrojtjes i Greqisë ka deklaruar në media se me marrëveshjen e detit me Shqipërinë zmadhohet atdheu (Greqia). Kurse Kryeministri Cipras deklaron se zgjidhja (marrëveshja) i jep avantazh të rëndësishëm Greqisë në Zonën Ekskluzive Ekonomike (zonën e naftës dhe gazit).
Edvin Kristaq Rama, për të mbuluar aktin e shitjes dhe copëtimit të dytë për karrigen e tij të trojeve shqiptare, ankohet në Bruksel se shqiptaret po e quajnë tradhtar.
Me këtë rast u bëj thirrje shqiptareve të mos pranojnë më asnjë çmim marrëveshjen e fshehtë të Londrës ‘Cipras – Zografi i dytë’ të copëtimit të trojeve shqiptare!

Facebook Comments

MineralHygienics.com
Copyright 2011- 2024 Voice of Albania