Kryeministri i Kosovës, Ramush Haradinaj ka thënë se kosovarët jetojnë një ”botë tjetër” në dallim nga vëllezërit e tyre myslimanë në Lindjen e Mesme. “Ne jemi një komb euroatlantik. Kur ne ishim në telashe, SHBA dhe NATO ishin me ne, kështu që ne i përkasim këtij grupi”, ka thënë ai, njofton Klan Kosova.
“Unë jam shqiptar, nuk jam mysliman, feja nuk është identiteti im i parë, e vërteta është se ne kemi ekzistuar për më shumë se 2000 vjet, para edhe Muhamedit apo Jezusit. Jetonin si të krishterë për shumë kohë dhe ne e pranonim fenë myslimane nëpërmjet administratës osmane “, ka shtuar më tej Haradinaj për gazetën Middleeasteye.
Në artikullin e publikuar për komente të tilla të cilat Haradinaj ka bërë, thuhet se Kosova paguan trendin e shumë vendeve me shumicë myslimane.
Aty më tej theksohet se më shumë se 90 % e 1.8 milion njerëzve të vendit janë shqiptarë kosovarë dhe myslimanë, institucionet laike janë të çmuara, xhamitë janë më pak të dukshme se ato në pjesë të Lindjes së Mesme dhe ka më pak oreks për ligjin islamik. Sipas tyre nga një analizë e bërë, kjo është më shumë sesa thjesht një trofe kulturor.
Ndërsa kosovarët aspirojnë për anëtarësim në NATO dhe Bashkim Europian, ata mund të ruajnë një identitet islamik për të lehtësuar rrugën e tyre në një klub shtetesh me rrënjë të krishtera.
”Përvoja e Turqisë mund të jetë e dobishme. Ankaraja dhe BE hapën bisedimet e anëtarësimit në 2005, por negociatat janë ndalur, pasi pjesa më e madhe myslimane e 81 milionë njerëzve po “lëviz më larg” nga blloku”, sipas një raporti të fundit të BE.
Për disa avokatë të të drejtave myslimane, kjo përforcon një ide se BE dhe disa nga anëtarët e saj janë armiqësor ndaj islamit dhe nuk duan që miliona myslimanë nga Turqia, Kosova dhe pjesët e tjera të Ballkanit të bashkohen me ta.
Si rezultat, nga artikulli i punuar është hamendesuar se rrallë herë në vendet islamike nderohen presidentët amerikanë, megjithatë një gjë e tillë e dallon rajonin e Kosovës, këtë “xhep të rrallë” të botës myslimane. Kjo ndodh pasi udhëheqësit amerikanë të së kaluarës nderohen për shkak të raportrve dhe miqësisë që kanë ofruar që nga operacionet për ndihmë në luftën e Kosovës.
