Grupi i Shteteve të Këshillit të Europës kundër korrupsionit ka bërë publik ditën e sotme një raport për luftën e Shqipërisë ndaj korrupsionit.
Që në fillim të raportit thuhet se lufta e qeverisë Rama në kuadër të korrupsionit është e dobët.
Në raportin e saj, GRECO arrin në përfundimin se Shqipëria deri më tani ka përmbushur plotësisht katër nga 10 rekomandimet e nxjerra në raportin e saj të vlerësimit në vitin 2014. Të gjashtë rekomandimet e tjera janë zbatuar vetëm pjesërisht.
GRECO mirëpret si një hap të rëndësishëm përpara miratimin në Prill të vitit 2018 të Kodit të Sjelljes për deputetwt, duke mbuluar çështje të tilla si konfliktet e interesit; aktivitete shtesë; dhurata; dhe kufizimet pas punësimit.
Konfliktet e interesit duhet të deklarohen nga deputetët kur ato lindin.
Gjithashtu përcaktohet se kontaktet e deputetëve me palët e treta gjatë procesit legjislativ të raportohen, regjistrohen dhe tw bëhen publike.
GRECO vë re mungesën e qartësisë në lidhje me zbatimin e këtyre rregullave dhe sanksioneve në rast të shkeljes, të cilat nuk përmenden shprehimisht në tekstin e Kodit të Sjelljes dhe nënvizon nevojën për një mekanizëm zbatimi, duke përfshirë sanksionet, për të bërë kodin efektiv.
Parlamenti po planifikon të zhvillojë udhëzime për të hedhur dritë mbi rregullat e përfshira në Kodin e Etikës, por ato ende duhet të miratohen. Ndërgjegjësimi dhe trajnimi i deputetëve për këto rregulla ende janë duke u definuar.
Në lidhje me gjyqtarët, një reformë e madhe gjyqësore është në proces që nga viti 2014 dhe kështu është një proces verifikimi për gjyqtarët me qëllim luftën kundër korrupsionit në gjyqësor. GRECO përshëndet që, si pjesë e paketës së reformës, roli i Presidentit të Republikës është kufizuar në emërimin formal të gjyqtarëve të Gjykatës së Lartë me propozimin e Këshillit të Lartë Gjyqësor, i përbërë nga një shumicë e gjyqtarëve të zgjedhur nga kolegët e tyre.
Sapo të përfundojë reforma, funksionimi i administratës gjyqësore nuk duhet të jetë më përgjegjësi e Ministrisë së Drejtësisë, por të Këshillit të Lartë Gjyqësor; dhe se Këshilli i Lartë Gjyqësor duhet të jetë përgjegjës për vendosjen e standardeve etike dhe monitorimin e tyre.
Këtu mund të gjeni raportin e plotë të GRECO
