Të ftuarit e programit të mëngjesit në Wake Up në Top Channel, janë të të gjitha fushave dhe të të gjitha natyrave. Një pjesë respektojnë formatin, u përgjigjen pyetjeve dhe shkojnë, një tjetër, me natyrë më të hapur, krijojnë atmosferë tjetër, bëjnë humor. Por ka edhe nga ata që flirtojnë me prezantuesit…
Nëse nuk e keni vënë re nga ekrani, është vetë Ori që sapo e zbuloi, madje me emra, cilët janë ata që kanë flirtuar me të në programin e mëngjesit.
E ftuar mbrëmjen e sotme në “Top Arena”, përballë “Këndit të së vërtetës”, Ori nuk i kurseu emrat.
Pyetjes së Edi Manushit se cilët janë meshkujt që kanë flirtuar me të në program, ajo, pa u menduar gjatë, tha: “Belerini Mezini (Igli Mezini), Gëzim Myshketa (gjatë kohës që Myshketa ishte në Wake Up, dy prezantuesit, Eno dhe Isli, e lanë për një moment studion dhe u larguan.
Meqenëse Ori dhe Gëzimi janë të dy beqarë, ata menduan se ky ishte një rast i mirë për të lënë një takim për kafe. Pasi u kthyen, Ori u tha që “kafja” ishte vendosur për orën 19.30) dhe Enio (Enio Civici) që e kemi këtu”, – tha Ori duke parë nga Enio, i cili ishte gjithashtu i ftuar në Top Arena.
Ashtu siç tha që në fillim, një marrëdhënie shumë të mirë me të vërtetën. Ori nuk refuzoi, as anashkaloi asnjë pyetje. Si është në këtë rast…
