Vdes babai i Kate Spade, një natë para varrimit të bijës

Vetëm disa javë pasi dizajnerja Kate Spade kreu vetëvrasje dhe një natë para ceremonisë së varrimit të saj, ka ndërruar jetë babai i saj, Earl F. Brosnahan Jr. në moshën 89 vjeçare.

Përmes një njoftimi familjarët kanë bërë të ditur se Earl nuk ishte mirë me shëndet dhe se gjendja e tij ishte përkeqësuar pas humbjes së vajzës.

Ai ishte në shtëpi i rrethuar nga familjarët në momentet e fundit të jetës.

Earl kishte lindur dhe jetonte në Kansas City, ku edhe ishte planifikuar varrimi i Kate Spade.

Kate kreu vetëvrasje më 5 qershor duke e varë veten me një shall në apartamentin e saj në New York, pas disa muajsh gjendje depresive.