Në vitin 2012 u publikuan disa foto topless të Dukeshës së Kembrixhit, Kate Middleton, në një revistë franceze pa lejen e saj. Paparacit kishin hyrë në rezidencën private ku ajo po pushonte dhe i kishin shkrepur disa foto ku Kate dukej mjaft e relaksuar dhe kishte vetëm pjesën e poshte të kostumit të rrobave të banjos veshur.
Avokatët që nga ajo kohë kanë kërkuar që William dhe Kate duhet të dëmshpërblehen nga revista me një shumë prej 92,000 paudësh britanikë. Shumë e quajtën qesharake shumën e kërkuar për dëmshpërblim, ndaj u vendos që në gjyq të përdoreshin fotografitë dhe videot e pjestares më të re të familjes mbretërore, Meghan Markle, teksa ajo pozon për revistën Men’s Health në vitin 2013 duke lëpirë salcën e hamburgerit nga gishtërinjtë. Kjo u mendua si provë e mjaftueshme për t’i treguar familjes mbretërore që dëmshpërblimi është qesharak sepse edhe anëtarë të tjerë të familjes mbretërore kanë poza seksi të publikuara.
Meghan nuk është e panjohur me kamerën. Karriera e saj prej aktoreje përpara se të njihej me Princ Harryn kanë bërë që Meghan shpesh të pozojë e zhveshur ose seksi për të promovuar punën e saj. Por ajo nuk është e vetmja anëtare e familjes mbretërore që ka guxuar.
Princeshë Diana, një ikonë mode botërore, jo rrallëherë është fotografuar me veshje të guximshme. Ajo madje nuk kishte fare komplekse të shfaqte linjat e saj edhe në plazh. Njësoj, edhe i biri i saj Princ Harry është fotografuar në vitin 2008 duke luajtur rugby në plazh dhe duke treguar muskujt.
Edhe vetë motra e Mbretëreshës Elizabeth, Princeshë Margaret është përfolur për sete fotografike ku ajo tregonte lëkurën, të cilat ishin skandal i madh për kohën, dhe e bija Zara Philips është po aq e guximshme.
Meghan Markle është një Grace Kelly e kohëve moderne. Grace Kelly ishte një aktore Hollywood-i shumë e kërkuar dhe një seks simbol që jeton dhe frymëzon ende në ditët e sotme, përpara se të martohej me Princ Rainier III në vitin 1956 dhe të bëhej Grace e Monacos. Ajo vazhdoi të mbetej një seks simbol, duke ja transmetuar hijeshinë edhe të bijës, Princeshës Stephanie që gjithashtu ka guxuar me sete fotografike seksi.
