Një emigrant malian është shpallur hero pasi ai ka hipur në pjesën e përparme të një ndërtese në Paris për të shpëtuar një fëmijë që u var nga një ballkon i katit të katërt.
Videoja e shpëtimit spektakolar të Mamoudou Gassamas u bë virale në rrjetet sociale.
Në më pak se një minutë ai tërhiqet nga ballkoni në ballkon dhe kap katërvjeçarin. Në ndihmë i doli edhe fqinji nga ballkoni tjetër, shkruan BBC. Presidenti Emmanuel Macron e ka ftuar Gassaman në Pallatin Elysee të hënën për ta falënderuar personalisht.
Kryebashkiaku i Parisit Anne Hidalgo gjithashtu vlerësoi heroizmin e 22-vjeçarit dhe tha se e kishte thirrur që ta falënderonte.
