Bleona Qereti mund të themi lirisht se është këngëtarja më guximtare shqiptare.
Megjithatë, vëmendjen më të madhe të rubrikave rozë të mediave shqiptare dhe të huaja po tërheq me paraqitjet në ngjarje të ndryshme.
Fillimisht ajo bëri bujë të madhe me shfaqjen në ndejën glamuroze të Vanity Fair Oscars, ku u shfaq vetëm me mbathje të zeza dhe një rrjetë sipër.
Por, kësaj radhe në ngjarjen e përvitshme të “amfAR”, fondacion në ndihmë të të prekurve me virusin HIV, ajo kishte të veshur një fustan me fije të holla që i ekspozonte gjoksin.
Pavarësisht se fustani është i gjatë, transparenca ia nxjerr zbuluar të gjitha hiret këngëtares.
Ndryshe, këngëtarja është duke punuar në projekte të reja muzikore, të cilat do t’i sjell gjatë muajve në vijim.
