Fotot ku babai i Meghan Markle shikonte fotot e së bijës me princ Harry-n në një internet café bënë xhiron e botës. Supozohej që paparacët i kishin shkrepur fotot pa djeninë e tij, madje princ Harry bëri një kërkesë për mediat që të mos e ndiqnin dhe të mos e bezdisnin më vjehrrin e tij të ardhshëm.
Por skandalet në familjen e Meghan nuk kanë fund. Pas letrave dhe deklaratave të shumta të publikuara nga i vëllai kundër saj, tanimë zbulohet një tjetër skandal rreth babait të saj. Me sa duket, puna e fotografive nuk ka qenë ashtu siç menduan të gjithë. Kamerat e sigurisë së internet café-s, ku u fotografua i ati i Meghan, tregojnë gjithë të vërtetën. Nga kamerat shihet se Thomas Markle ka hyrë aty së bashku me paparacin dhe fotot janë bërë më dijeninë e plotë të tij. Madje kanë rregulluar edhe këndin e kompjuterit që në foto të dukej qartë ekrani dhe fotot e Meghan me Harry-n. Pra realizimi i fotove ka qenë një plan i bërë prej të dyve dhe më pas këto foto iu janë shitur mediave për 100 mijë paund.
Nuk dihet nëse i ati i Meghan është paguar për këto foto, por që fotot janë planifikuar prej tij është më se e qartë.
