Një tjetër “show” me fjalime urrejtje dhe raciste u dha nga Agimi i Artë në parlamentin grek.
Me rastin e një debati për anëtarësimin e Shqipërisë në Bashkimin Europian, deputeti Elias Kasidiaris ka gjetur shkasin për një tjetër përçarje raciste derisa sulmoi edhe këngëtaren Eleni Fourera dhe futbollistët shqiptarë që luajnë për Greqinë.
“A i shikoni shqiptarët, e shikoni ç’ndodh në Eurovizion, zbavitet një këngëtare që thotë se ajo nuk është shqiptare, se nuk ka të bëjë me Shqipërinë; thotë se është nga Guatemala, Nikaragua, nuk e di se çfarë dhe mbi të gjitha, futbollistë të dështuar, kantautorë që kapin paratë në Greqi, sepse fatkeqësisht shumë janë dyndur këtu në Greqi.
Dhe dapio fitojnë paratë, fillojnë me simbolet në bluza, shqiponjat e Shqipërisë së Madhe, kështu që ata që besojnë në këto mizori, që zbaviten me Shqipërinë e madhe jashtë Greqisë, shkojnë atje ku nënat e tyre nuk dinin ç’këpucë t’u vishnin.
Asnjë bisedim me shqiptarët, asnjë negociatë derisa politikat e tyre antihelene të shtetit të ndalojnë. Ky ëhstë qëndrimi i Agimit të Artë. Menjëherë ne duhet të vëmë veton, një veto greke, për asnjë lloj hapje negociatash të regjimit të Ramës për procesin e integrimit evropian.
