Këto janë dokumentet origjinale që tregojnë se Agron Xhafa, vëllai i ministrit të Brendshëm, Fatmir Xhafaj është i dënuar me 7 vite e 2 muaj burg.
Me anë të një konference për mediat, Partia Demokratike ka deklaruar se ndaj vëllait të Fatmir Xhafës është marrë vendimi i formës së prerë në 25 shtator 2012, por ai nuk është arrestuar, e aq më shumë lëviz i lirë nëpër Shqipëri.
Sipas deputetit Enkelejd Alibeaj dhe ish-ministrit të Drejtësisë, Gazmend Bardhi, Fatmir Xhafaj ka siguruar paprekshmërinë e vëllait të tij, duke mos e arrestuar në asnjë moment me qëllim ekstradimin për të vuajtur dënimin në Itali.
