Deportivo dhe Barcelona kanë dhuruar spektakël në stadiumin “Municipal de Riazor”, ku katalanasit edhe matematikisht u shpallën kampion për herë të 25-të në La Ligën spanjolle.
Barcelona e ka mposhtur 4-2 Deportivon në stadiumin “Municipal de Riazor”, për t’u shpallur edhe matematikisht kampion i Spanjës për sezonin 2017-2018.
Philippe Coutinho (7’) dhe tripletë nga Lionel Messit (38’, 82’ e 86’) për Barçën, kurse Lucas Perez (40’) dhe Emre Colak (64’) shënuan për vendasit, që bënë paraqitje fantastike, të cilët, edhe matematikisht, bien nga La Liga.
Ndeshjen e ardhshme, tashmë me titullin në “xhep” 4 javë para fundit të edicionit 2017-2018 Barcelona do ta zhvillojë në “Camp Nou” kundër Real Madridit.
