Kuvendi i Shqipërisë do të mblidhet sot në seancë plenare dhe ku pritet një përplasje e fortë ndërmjet opozitës dhe mazhorancës për çështje të mëdha që ngritën qytetarët në revoltë e duke nisur, që nga çështja e mospërjashtimit të kryeministrit Edi Rama nga seanca për shkak të fjalorit vulgar.
Kjo është seanca e parë e Kuvendit ku opozita do të paraqitet pas protestave popullore që ka mbështetur gjërësisht, protestave kundër taksës në Rrugën e Kombit, kundër arrestimit të protestuesve dhe kundër skemës së TVSH për bizneset.
Një javë më parë, deputetët e opozitës nuk mundën të marrin pjesë në seancë, pasi ata protestuan para Gjykatës së Tiranës për lirimin e protetsuesve të Rrugës së Kombit. Kërkesa e tyre për shtyrjen e seancës nuk u pranua nga kreu i Kuvendit, Gramoz Ruçi.
