Një penallti e akorduar në favor të Real Madridit në fundin e ndeshjes kundër Juventusit është komentuar pafund nga i gjithë opinioni sportiv në mbarë botën.
Buffon protestoi ashpër dhe për këtë u ndëshkua me karton të kuq. Nga ana tjetër, Ronaldo mori topin dhe shënoi duke kualifikuar Realin në gjysmëfinale.
Gjithsesi, pavarësisht rivalitetit, portugezi, vendosi që të përshëndeste portierin e Juventusit, pas ndeshjes. Ylli i madrilenëve u tregua një zotëri i vërtetë.
Ai ndaloi në zonën ku kapiteni bardhezi po jepte intervistë për ta takuar legjendën juventine.
Edhe pse ishte tepër i acaruar për penalltinë që iu akordua Realit, Buffon ndërpreu intervistën në mes dhe përqafoi portugezin me shumë dashuri.
