Jose Mourinho po konsideron një ofertë për Neymarin me një shifër rekord botëror prej 260 milionë paundë, ndoshta duke dërguar Paul Pogba te PSG-ja si pjesë e marrëveshjes. Të paktën kështu pretendon “Diario Gol”.
Me yllin brazilian, me sa duket i palumtur në “Parc des Princes”, trajneri i Manchester United është i prirur për të shtuar një sulmues të klasit botëror në radhët e tij, pasi ka parë që Alexis Sanchez nuk po “ngjit” në “Old Trafford”. Ndërsa edhe Real Madridi është i lidhur më ngushtë me Neymar, “Djajtë e Kuq” janë të interesuar, gjithashtu, dhe mund të dërgojnë Pogba nga ana tjetër, për ta tunduar PSG-në në shitje. Ndërkohë, Neymarit mund t’i ofrohen deri në 30 milionë paundë në vit për të kaluar në “Old Trafford”.
Në fakt, verën e kaluar, megjithatë, kishte shumë lëvizje, por Manchester United nuk kishte më shumë para për të trajtuar punësimin e një lojtari si Mbappé, apo Neymar. Ishte PSG-ja, ajo që i mori ato. Mourinho u vendos për Lukaku dhe Alexis në merkaton e dimrit, lojtarë të nivelit, por që nuk janë të thirrur për të vendosur lojëra të mëdha. Ata nuk do të zbresin në historinë e futbollit. Është pikërisht për këtë arsye që, përballë merkatos së ardhshme, propozohet që të ketë një spastrim te Manchester United.
Pra, të sigurohen para nga disa shitje lojtarësh aktualë dhe të nënshkruhet me njërin nga yjet e mëdhenj. Dhe ylli më i ndritur është Neymar, ardhmëria e të cilit te PSG-ja nuk është fare e qartë. Dihet se ylli brazilian nuk është i kënaqur në klubin e tij aktual. Dihet, gjithashtu, se dyert e Barcelonës janë mbyllur dhe se Real Madridi duket të jetë i vetmi klub, me një plan për ta kapur lojtarin brazilian për imazhin e së ardhmes.
