Ermal Meta ka reaguar i irrituar pas disa publikimeve mbi jetën e tij private si edhe tekstin e këngës me të cilën fitoi San Remo-n në media.
Ai kërkon që të mos spekulohet me jetën e tij.
“Mos spekuloni me jetën time”, shkruan këngëtari shqiptar që fitoi Sanremon.
Ja çfarë shkruan Ermal Meta në Facebook
Mos spekuloni mbi jetën time, ju nuk dini asgjë nga jeta ime. Kur në atë intervistë përdora fjalën “bastard” nuk thash asnjë emër.
Mos e shtoni ju atë emër sepse gaboni rëndë jo vetëm me mua por edhe me familjen e personit për të cilin po shkruani ose po flisni.
Kënga që fitoi festivalin e Sanremos është kundër terrorizmit, asgjë më shumë. Shpresoj mos te lexoj më gjëra të tilla.
Faleminderit për vëmendjen.
