Moti i keq që ka përfshirë vendin ka rikthyer përmbytjet në disa zona. Raportohet se lumi Shkumbin ka dalë nga shtrati dhe si pasojë ka përmbytur disa toka bujqësore në Elbasan.
Sakaq, aksi Elbasan-Përrenjas ka vështirësi në qarkullim për shkak të rënies së gurëve. Vërshimi i ujit ka shkatërruar një urë në njësinë administrative Hotolisht në Librazhd, urën e Rrethit të bardhë. Si pasojë kanë mbetur të izoluar disa banorë.
