Rikthehet sëmundja e fruthit në Shqipëri, 11 fëmijë të shtruar në QSUT

 Mësohet se gjendja e fëmijëve nuk paraqet rrezik për jetën porse ekziston rreziku i përhapjes së fruthit tek fëmijët e pavaksinuar që mendohet se janë mbi 1 mijë të tillë. Shkak për mosvaksinimin e fëmijëve u bë zhurma e shkaktuar dy vite më parë në disa portale të huaja ku shkruhej se vaksina “mmr” shkakton autizmin tek fëmijët 1 vjeç.Ndërkohë ekspertë të ISHP në mënyrë të vazhduar kanë bërë thirrje për vaksinimin e fëmijëve me vaksinën MMR që sipas saj nuk ka asnjë rrezik dhe asnjë lidhje me shfaqjen tek fëmijët të çrregullimit të spektrit autik, njofton BW.
Ndërkohë sipas ekspertëve, Shqipëria rrezikon shumë pasi sëmundja e fruthit po njeh një përhapje të gjerë në Europë dhe në rajonin e Ballkanit ku në Kosovë është shënuar edhe viktima e parë me fruth.