Këngëtari dhe aktori i njohur Italian, Adriano Celentano, dje ka festuar 80- vjetorin e tij. Pas plot 50 vitesh në skenë ai ka arritur suksese të mëdha si në muzikë, ashtu edhe në filma ku ka marrë pjesë.
Falë karrierës së tij të gjatë dhe sukseseve botërore të tij, ai tashmë është quajtur edhe Elvis Presley italian. Që në fillimet e karrierës së tij Celentano do të kthehej në një figurë shumë të dashur për publikun. Shumë shpejt ai arriti majat duke u shndërruar në këngëtarin e vetëm italian i cili ka shitur më shumë se 100 milionë albumesh.
Celentano ka qenë aktor kryesor i shume filmave, zakonisht filmat kanë qenë komedi, por edhe në këtë fushë këngëtari nuk ka zhgënjyer. Ai gjithashtu është edhe regjizor e shumë tekste këngësh mbajnë firmën e tij.
