Ambasadori amerikan Donald Lu është shprehur se qytetarët shqiptarë, sidomos të rinjtë duhet që të respektojnë në maksimum femrat. Ai tha se duhet që në Shqipëri meshkujt dhe femrat të kenë shanse të barabarta dhe se duhet punuar që të kemi një shoqëri të tillë.
Statusi i ambasadës amerikane:
“Si një bashkëshort dhe një baba, unë jam një mbështetës i madh i fuqizimit të grave. Shpresoj që të gjithë ju të jetoni në një shoqëri në të cilën burrat dhe gratë janë të barabartë në udhëheqje dhe përgjegjësi.”
Në fillim të këtij muaji, Ambasadori Lu vizitoi universitetin Aleksandër Xhuvani në Elbasan për t’u takuar me studentë dhe për të mësuar më shumë mbi projektet e tyre për të nxitur fuqizimin e grave dhe luftuar ekstremizmin.
